Wednesday, December 5, 2007

ಕನ್ನಡ ಶುಭಾಶಯ ಪತ್ರಗಳ ತಾಣ

ಕನ್ನಡ ಶುಭಾಶಯ ಪತ್ರಗಳು ಬೇಕೆ? ಮದುವೆ, ಹುಟ್ಟುಹಬ್ಬ, ಹೊಸವರ್ಷ, ದೀಪಾವಳಿ..ಹೀಗೆ ಎಲ್ಲಾ ಸಂದರ್ಭದಲ್ಲಿಯೂ ನಿಮಗೆ ಶುಭಾಶಯ ಕಲೀಸಬೇಕಾದ್ರೆhttp://www.kannada-greetings.com/ ಭೇಟಿ ನೀಡಿ. ಜನರ ನಡುವೆ ಬೆಳೆಯುವ ಕನ್ನಡಕ್ಕಿಂತ ಈಗ ಅಂತರ್ಜಾಲದಲ್ಲಿ ಕನ್ನಡ ನಳನಳಿಸುತ್ತಿದೆ. ಮುದ್ದು ಮುದ್ದಾದ ಕನ್ನಡ ಅಕ್ಷರಗಳಲ್ಲಿ ಹೆಣೆದಿರುವ ಸುಂದರ ನುಡಿಮುತ್ತುಗಳಿಗೆ ಖಂಡಿತ ನೀವು ಮಾರುಹೋಗುವಿರಿ. ತಮ್ಮ ಭಾವನೆಗಳನ್ನು ಅಕ್ಷರಗಳ ಮೂಲಕ ಹೇಳಬಹುದು.

ಇತ್ತೀಚೆಗೆ ನನ್ನ ಗೆಳತಿಯ ಹುಟ್ಟುಹಬ್ಬಕ್ಕೆ ಶುಭಾಶಯ ಹೇಳಲು ಒಂದು ಅಂಗಡಿಗೆ ಹೋಗಿ ಕನ್ನಡ ಗ್ರಿಟಿಂಗ್ಸ್ ಕೇಳಿದೆ. ಅಂಗಡಿಯ ನನ್ನನ್ನು ವ್ಯಂಗ್ಯ ರೀತಿಯಲ್ಲಿ ನೋಡಿ 'ಯಾರಮ್ಮಾ ಕನ್ನಡ ಗ್ರಿಟಿಂಗ್ಸ್ ಕೆಳ್ತಾರೆ' ಅನ್ನಬೇಕೆ. ಆತನನ್ನು ದುರುಗುಟ್ಟಿ ನೋಡಿ ವಾಪಾಸಾದೆ. ಮತ್ತೊಂದು ಬಾರಿ ಕನ್ನಡ ಸಾಹಿತ್ಯ ಪರಿಷತ್ತಿಗೆ ಹೋದಾಗ ಅಲ್ಲಿ ಬೆಂಗಳೂರಿನ ಸಮಾಜ ಸೇವಕರ ಸಮಿತಿ ತಯಾರಿಸಿರುವ ಕನ್ನಡ ಶುಭಾಶಯಗ ಪತ್ರಗಳನ್ನು ಖರೀದಿಸಿದೆ. ಕುಂದಾಪುರ ಚಾಂದನಿ ಕಲಾನಿಕೇತನವೂ ಕನ್ನಡ ಶುಭಾಶಯ ಪತ್ರಗಳನ್ನು ತಯಾರಿಸಿ ಹಂಚುತ್ತಿದೆ. ಆದರೆ ಕನ್ನಡ ಶುಭಾಶಯ ಪತ್ರಗಳನ್ನು ಮಾಡಿದ್ರೆ ಬೇಡಿಕೆಯಿಲ್ಲ ಎಂಬುದೇ ಎಲ್ಲರ ಗೋಳು. ಯಾಕೆಂದ್ರೆ ಬಹುತೇಕರಿಗೆ ಗ್ರಿಟಿಂಗ್ಸ್ ಅಂದ್ರೆ 'ಇಂಗ್ಗೀಷ್' ಬಿಟ್ರೆ ಕನ್ನಡದಲ್ಲಿ ಸಿಗುತ್ತೆ ಅನ್ನೋದೇ ಗೊತ್ತಿಲ್ಲ ಬಿಡಿ.


ಕನ್ನಡ ಶುಭಾಶಯ ಪತ್ರಗಳನ್ನು ತಯಾರಿಸೋದು ಒಂದು ರೀತಿಯಲ್ಲಿ ಕನ್ನಡಕ್ಕೆ ಸೇವೆ, ಇನ್ನೊಂದೆಡೆ ಕನ್ನಡದ ಮುದ್ದು ಮುದ್ದು ಅಕ್ಷರಗಳು ನೋಡಲೂ ಚೆನ್ನಾಗಿ ಕಾಣುತ್ತವೆ. ಕನ್ನಡದಲ್ಲಿರುವಷ್ಟು ಸುಂದರ ಪದಗಳು, ವಾಕ್ಯಗಳು ಖಂಡಿತವಾಗಿಯೂ ಇಂಗ್ಲೀಷ್ನಲ್ಲಿ ಸಿಗದು.

ನೀವೇ ಏನೇ ಹೇಳಿ, ನಂಗಂತೂ ಕನ್ನಡ ಶುಭಾಶಯ ಪತ್ರಗಳನ್ನು ನೋಡಲೂ ತುಂಬಾ ಖುಷಿ. ಅದ್ರ ಸಂಗ್ರಹನೂ ಮಾಡ್ತೀನಿ. ನಂಗೊಂದು ಅಭ್ಯಾಸವಿತ್ತು. ಕಾಲೇಜಿನಲ್ಲಿರುವಾಗ. ನನ್ನ ಯಾರೇ ಗೆಳೆಯ/ಗೆಳತಿಯರು ಅಥವ ಅಣ್ಣನವರು ಯಾರೇ ಆಗಲಿ ಅವರಿಗೆ ಮದುವೆ, ಹುಟ್ಟುಹಬ್ಬ ಎಲ್ಲಕ್ಕೂ ನಾನೇ ಶುಭಾಶಯ ಪತ್ರ ತಯಾರಿಸಿ ಕಳಿಸೋದು. ಅಂದ್ರೆ ಮುದ್ರಿಸಿ, ಕಂಪ್ಯೂಟರ್ನಲ್ಲಿ ವಿನ್ಯಾಸ ಮಾಡಿ ಕಳಿಸೋದಲ್ಲ. ಬಣ್ಣದ ಕಾಗದಗಳಲ್ಲಿ ಕನ್ನಡದ ಸುಂದರ ವಾಕ್ಯಗಳನ್ನು ಹೆಣೆಯೋದು. ನಿಜವಾಗ್ಲೂ ಈ ಕೆಲ್ಸ ತುಂಬಾ ಖುಷಿ ಕೊಡುತ್ತೆ. ಅಕ್ಕ, ಅಣ್ಣ, ತಮ್ಮ, ತಂಗಿ, ಅಪ್ಪ, ಅಮ್ಮ..ಬಾಂಧವ್ಯಗಳ ಭಾವನೆಗಳನ್ನು ಅಕ್ಷರಗಳ ಮೂಲಕ ಬರೆದು ಕಳಿಸೋದು ನಮಗೂ ಖುಷಿ, ನೋಡೋರಿಗೆ ಖುಷಿ.

ಅಂತೂ-ಇಂತೂ ಕೆಲವು ಅಂತರ್ಜಾಲಗಳಿಂದ, ಸಂಸ್ಥೆಗಳಿಂದ ಒಳ್ಳೆಯ ಕಾರ್ಯ ಆಗುತ್ತಿದೆ. ಇದು ಮುಂದುವರೆಯಲಿ ಅಂತ ಹಾರೈಸೋಣ. ಏನಂತೀರಿ?

2 comments:

ಹೆಸರು ರಾಜೇಶ್, said...

chitraravare Nimagondu Sanna Mahiti Needabayasuttene. Tipaturina nanna Geleya Sathesh CHITTE hesarinalli Kannada Greeting Cards annu kaleda 7 varshagallinda tarutiddane hagu avu marukatteyalli apara mannanegalisive. Navu Kooda Chamarajanagaradalli NELASIRI sangataneyalli Kannada Greeting Cardgalannu (Paited)kanista 800 cardgalannu prakatisiddevu.
SHARADIGE NANNA DANYAVADAGALU
geleya
rajesh

ಚಿತ್ರಾ ಸಂತೋಷ್ said...

ಆಪ್ತರೇ,
'ಚೆಟ್ಟೆ'; 'ನೆಲಸಿರಿ'ಗೆ ನನ್ನ ಮನದಾಳದ ಶುಭಹಾರೈಕೆಗಳು