Friday, January 25, 2008

ಲೇ ಅಣ್ಣ ಬೇಗ ಬಾರೋ..

ಲೇ ಅಣ್ಣಾ..ಹೇಗಿದ್ಯಾ? ಅದೇ ಕಣೋ..ನಿನ್ನ ನೆನಪಾಗುತ್ತೆ. ಮಾತುಮಾತಿಗೂ ಅಮ್ಮನ ಸೆರಗಹಿಡಿದು ಅಣ್ಣ ಕೊಡು ಅಂತ ಪೀಡಿಸ್ತೀನಿ. ಹೌದು. ಎಲ್ಲರು ಅಣ್ಣಾಂತ ಕೂಗುವಾಗ ನನ್ ಹೃದಯನೂ ಅಣ್ಣ ಅಂತ ಕೂಗುತ್ತೆ. ನನ್ನ ಜೊತೆಜೊತೆಯಲಿ ನಗುನಗುತ್ತಿರುವ ನಿನ್ನಂಥ ಅಣ್ಣ ಬೇಕು. ನನ್ನಮ್ಮನ ಹೊಟ್ಟೇಲಿ ನೀನೂ ಹುಟ್ಟಿ ಬರ್ಬೇಕಿತ್ತು ಕಣೋ. ಅದ್ಯಾಕೆ ದೂರದಲ್ಲಿ ನಿಂತು 'ತಂಗೀ ನೀ ನನ್ನದೆಯಲ್ಲಿ ಸ್ವಾತಿಮುತ್ತು' ಅನ್ತೀಯಾ? ಯಾವಾಗದರೊಮ್ಮೆ ನೀ ಸಿಕ್ಕಾಗ ನಿನ್ನ ಮಡಿಲಲ್ಲಿ ಮಗುವಾಗಿಬಿಡೋದು, ಒಡಲುತುಂಬಾ ಪ್ರೀತಿಯ ಹೂವು ನಾನಾಗೋದು, ನಿನ್ನ ಕೈಯಿಂದ ಕೆನ್ನೆಗೆ ಚಿವುಟಿಸಿಕೊಳ್ಳೋದು, ಚಿಲ್ಲರೆ ತಪ್ಪುಗಳನ್ನು ಮಾಡಿ ಬೈಸಿಕೊಳ್ಳೋದು, ಬೆಳದಿಂಗಳ ರಾತ್ರಿಯಲ್ಲಿ ಚಂದ್ರನಿಗೆ ತಮಾಷೆ ಮಾಡುತ್ತಾ ಚೆಂಡಾಟ ಆಡೋದು, ಸಿಟ್ಟಿನಿಂದ ಮೊಂಡಾಟ ಮಾಡೋದು...ಇಷ್ಟು ಮಾತ್ರ ಸಾಕಾಗಲ್ಲ ..ನಾ ನಿನ್ ಜೊತೆಯಲ್ಲೇ ಇರ್ಬೇಕು. ನಿತ್ಯ ನಿನ್ ಕೀಟಲೆ ಮಾಡಿ ರೇಗಿಸ್ಬೇಕು. ನಿನ್ನೊಂದಿಗೆ ಜಗಳವಾಡ್ಬೇಕು. ಮುಂಗೋಪಿ ಥರ ಮುಖ ಊದಿಸಿಕೋಬೇಕು. ಕೊನೆಗೆ ರಾಜಿಯಾಗಿ ಅಣ್ಣನಿಂದ ಮುದ್ದಿಸಲ್ಪಡುವ ಪುಟ್ಟ ತಂಗಿ ನಾನಾಗ್ಬೇಕು. ನಾ ಪ್ರತಿ ವರ್ಷ ನಿನ್ ಕೈಗೆ ಕಟ್ಟುವ ರಾಖಿ ನಾ ದಿನಾ ನೋಡುತ್ತಿರಬೇಕು. ನಿನ್ನ ಪ್ರೀತಿಯ ಮಡಿಲಲ್ಲಿ ಅಮ್ಮನ ವಾತ್ಸಲ್ಯದ ಸುಖವನ್ನು ನಾ ಕಾಣ್ಬೇಕಣ್ಣ. ..ನಿನ್ನ ಕಣ್ತುಂಬ ನೋಡುತ್ತಾ ಖುಷಿ ಖುಷಿಯಾಗಿ ನಿನ್ ಜೊತೆ ಸುತ್ತಬೇಕು ಅಣ್ಣ..ನೀ ಬರ್ತೀಯಾ ನನ್ ಜೊತೆ..

ಹೌದು. ಕಣೋ..ನೀನು ನನ್ನ ಅಣ್ಣ..ನಾನೇ ಮುದ್ದಿನ ತಂಗಿ ನೀ ನನ್ನ ತುಂಬಾ ಪ್ರೀತಿಸ್ತೀಯಾ..ನಂಗೆ ಸಣ್ಣ ಶೀತ, ಜ್ವರ ಬಂದ್ರೂ ಗೋಳೋ ಎಂದು ಅಳ್ತಿಯಾ..ನನ್ನ ಪ್ರೀತಿಗಾಗಿ ಹಂಬಲಿಸ್ತೀಯಾ..ನಿನ್ನ ಬಿಟ್ಟು ದೂರ ಬಂದಾಗ ನನ್ನೊಡನೆ ನೀನೂ ಕಣ್ಣೀರಾಗ್ತೀಯಾ..ನಿದ್ದೆಯ ಮಂಪರಿನಲ್ಲಿಯೂ ನೀ ನನ್ನ ಕರೆತೀಯಾ..ಇದನ್ನೆಲ್ಲಾ ನೆನೆದು ನನ್ನ ಹೃದಯ ಅಳುತ್ತೆ ಗೊತ್ತಾ? ಆದ್ರೆ ನಿಂಗೇನು ಗೊತ್ತು..ನೀನು ದಿನಾ ತಮಾಷೆ ಮಾಡ್ತೀಯಾ..ನನ್ ರೇಗಿಸ್ತೀಯ..ಬಂದಾಗ ಎಟ್ಲೀಸ್ಟ್ ಚಾಕಲೇಟ್ ಕೂಡ ಕೊಡಿಸಲ್ಲ ಕಣೋ..ನಂಗೆ ಎಷ್ಟು ಬೇಜಾರಾಗುತ್ತೆ ಗೊತ್ತೆ?

ನೋಡು ಅಣ್ಣ..ಬರುವ ಜನ್ಮವಿದ್ದರೆ ನಾನು-ನೀನ್ ಒಂದೇ ಅಮ್ಮನ ಹೊಟ್ಟೇಲಿ ಹುಟ್ಟಿಬಿಡೋಣ.. ನನ್ಗೆ ಚೆಂದದ ಬೊಂಬೆ, ಚಾಕಲೇಟ್ ಕೊಡಿಸುವ, ನಗುನಗುತ್ತಾ ನನ್ ಕೆನ್ನೆಗೊಡ್ದು ಸತಾಯಿಸುವ ತರ್ಲೆ ಅಣ್ಣ ನೀನಾಗಬೇಕು..ನಿನ್ಗೆ ರಾಖಿ ಕಟ್ಟಿದಾಗ..ಅದ್ಕೆ ಗಿಫ್ಟ್ ಕೊಡ್ಬೇಕು..ಅದನ್ನ ನೋಡಿ ನಾ ಖುಷಿ ಪಡ್ಬೇಕು. ..ಓಕೆ ನಾ..ನಿನ್ ನೆನಪಾಯಿತು. ಪತ್ರ ಬರೆದೆ. ನಿನಗಾಗಿ ರಾಖಿ ತಂದಿಟ್ಟು ಕಾಯ್ತಾ ಇದ್ದೀನಿ...ಬೇಗ ಬಾರೋ..
ನಿನ್ ತಂಗಿ,
ಚಿನ್ನು

3 comments:

Rajesh said...

tumba emotional agabaradu chitra. Manassige Dhukkavaguttade.
geleya
rajesh

ವಿಕಾಸ್ ಹೆಗಡೆ/Vikas Hegde said...

cho chweeet.....:)

guru said...

Dear Chitra,

lekhana odi alu bantu. nannanu nimma anna anta tilkoli. nimage yavagadaru bejaradre e annanige mail madi o.k. gmsingle@rediffmail.com